EasyTap аткаруучулары үчүн сервис стандарттары
Сервис стандарттары — бул EasyTap тиркемеси аркылуу иштеген аткаруучулар үчүн негизги эрежелер. Бул эрежелер өнөктөштүн иш жүргүзүлгөн жеринде ар кандай кырдаалда кантип туура аракет кылуу керек экенин түшүнүүгө жана кызматтын сапатын жогору деңгээлде сактоого жардам берет.
1. Кечикпеңиз
Иш нөөмөтүнө өз убагында келиңиз, аны калтырбаңыз жана белгиленген убакыттан эрте кетпеңиз. Иш берүүчү өтүнмөнү жокко чыгарышы мүмкүн, ошондуктан өзгөрүүлөрдөн кабардар болуу үчүн тиркемедеги билдирмелерди текшерип туруңуз.
2. Этият иштеңиз
Иш нөөмөтүн аткарып жатканда этият болуңуз. Өзүңүздү жана иш берүүчүнүн мүлкүн — товарларды, жабдууларды, инвентарларды жана башка материалдарды сактаңыз.
3. Сыпайы болуңуз
Иш берүүчү жана анын өкүлдөрү менен дайыма урматтоо жана сыпайылык менен сүйлөшүңүз.
3.1 Кездешкенде саламдашыныз
Эгер кандай себеп болбосун кечигип калсаңыз, сөзсүз кечирим сураңыз.
3.2 Иш нөөмөтү аяктаганда коштошуңуз
Эгер кимдир бирөө орой мамиле кылса, жооп кайтарбаңыз. Иш нөөмөтүн тынч жыйынтыктап, зарыл болсо EasyTap колдоо кызматына кабарлаңыз.
4. Кесипкөйлүктү сактаңыз
Чынчыл жана жоопкерчиликтүү иштеңиз. Иш берүүчүнүн мүлкүн, товарын же жабдууларын өзүнө ыйгарып алуу жол берилбейт жана мыйзам менен жазаланат.
5. Иш нөөмөтүнө сергек абалда келиңиз
Алкоголдук же баңги заттын таасири астында иш нөөмөтүнө чыгууга катуу тыюу салынат. Эгер ушул себептен иш берүүчү сизди ишке киргизбесе, төлөм берилбейт жана EasyTap сервисине кирүү убактылуу чектелиши мүмкүн.
6. Документтерди алдын ала даярдаңыз
Өтүнмөнүн карточкасында көрсөтүлгөн документтерди (көбүнчө өздүк күбөлүк) өзүңүз менен ала келиңиз. Эгер ишиңиз тамак-аш менен байланыштуу болсо, жарактуу санитардык китепче талап кылынат. Ошондой эле оорунун белгилери менен ишке чыгууга болбойт.
7. Чынчыл болуңуз
Иш берүүчүлөрдү жана колдоо кызматын алдабаңыз. Эрежелерди бузуу EasyTap’ке жеткиликтүүлүктүн чектелишине же бөгөттөлүшүнө алып келиши мүмкүн.
8. Байланышта болуңуз
Иш нөөмөтүнө жооп бергенден кийин телефонуңузду жанында алып жүрүңүз. Эгер кечигип калсаңыз — колдоо кызматы аркылуу алдын ала кабарлаңыз. Эгер сиз менен байланышууга мүмкүн болбосо, иш берүүчү иш нөөмөтүн жокко чыгарууга укуктуу.
9. Иш нөөмөтүн өз убагында жыйынтыктаңыз
Иш нөөмөтү аяктагандан кийин кармалбаңыз жана өтүнмөнүн карточкасында көрсөтүлбөгөн кошумча иштерди аткарбаңыз. Макулдашылган иштерди бүтүргөн соң иш берүүчүгө ыраазычылык билдирип, тиркемеде иш нөөмөтүн жабыңыз.